تین دھائیوں سے مسلط یہ عوام کو پسماندہ رکھنے والی نااہل لیگ ہے:شہباز گل

وزیراعظم عمران خان کےمعاون خصوصی شہباز گل نے مسلم لیگ ن کی نائب صدر مریم صفدر کے بیان پر ردعمل دیا جس میں ان کا کہنا تھا کہ عوام پوچھ رہی ہے کہ علاج کے نام پر مفرور میاں واپس کیوں نہیں آئے؟ جواب دیں،قرض اتارو ملک سنوارو کا نعرہ لگانے والوں میں ملک کو قرض کی دلدل میں کیوں دھکیلا؟عوام پوچھ رہی ہے کہ سستی روٹی، پیلی ٹیکسی، لیپ ٹاپ سکیموں کے باوجود وہ خوشحال کیوں نہیں؟عوام پوچھ رہی ہے کہ موٹر وے بنانے والوں نے اس اثاثے کو کتنی بار گروی رکھا؟عوام پوچھ رہے ہے کہ اتفاق فاؤنڈری فائدے میں اور پاکستان سٹیل مل خسارے میں کیوں گئی؟کیوں ملکی ایئرلائنز خسارے میں اور ذاتی ایئرلائنز فائدے میں رہی؟کیوں ملکی خزانہ خالی اور اسحاق ڈار کے اثاثے 91 گنا بڑھے، تین دھائیوں سے مسلط رہ کر عوام کو پسماندہ رکھنے والی نااہل لیگ ہے،ہمیشہ الیکشن چوری،دھاندلی سے عوام کا حق چھیننے والوں نے بنیادی سہولیات بھی نہیں دیں۔

قبل ازیں وزیرآباد میں جلسے سے خطاب کرتے ہوئے مسلم لیگ ن کی نائب صدر مریم نواز کا کہنا تھا کہ وزیرآبادووٹ مانگنےنہیں نوازشریف اورشہبازشریف  کادوریادکرانےآئی ہوں،ن لیگ کےعلاوہ کوئی اورجماعت ہےجس نےوزیرآبادکی خدمت کی ہو؟ایک کروڑنوکریوں کااعلان کیاگیا،ایک نوکری بھی ملی کسی کو؟،پچاس لاکھ گھروں کااعلان کیاگیاکسی ایک کوگھرملا؟تحریک انصاف کاامیدوارووٹ مانگنےآئےتواس کوبجلی،گیس کابل تھمادینا، پی ٹی آئی کےلوگ ووٹ مانگیں توایک کروڑنوکریوں کاپوچھنا،موجودہ حکمران 224ارب کاآٹاکھاگئے،حکمران 400ارب کی چینی کھاگئے،حکمرانوں نےجان بوجھ کرمہنگی ایل این جی درآمدکی اور ایل این جی پر122ارب کاڈاکہ ڈالاگیا، ن لیگ اقتدارمیں آئی توسب ٹھیک ہوجائےگا۔