کراچی : سندھ اور بلوچستان میں تین اہم ضمنی انتخابات آج ہورہے ہیں ، سندھ اسمبلی کی نشست پی ایس 43 سانگھڑ اور پی ایس 88 ملیر کراچی اور بلوچستان اسمبلی کی نشست پی بی 30 پشین پرپولنگ کاآغاز ہوچکا ہے ۔

سندھ اسمبلی کی دو اور بلوچستان اسمبلی کی ایک نشست پر ضمنی انتخابات کیلئے پولنگ کا عمل جاری ہے ۔ الیکشن کمیشن کی جانب سے تما م علاقوں میں پولنگ کے انتظامات مکمل ،جبکہ حساس اور انتہائی حساس پولنگ سٹیشنزکی نشاندہی بھی کی جاچکی ہے ، پولنگ صبح 8 بجے سے شام 5 بجے تک جاری رہے گی۔
ملیر کراچی پی ایس 88
ملیر کراچی پی ایس 88 کی نشست صوبائی وزیر کچی آبادی غلام مرتضیٰ جتوئی کے انتقال کے باعث خالی ہوئی تھی،ضمنی انتخاب میں پیپلز پارٹی کے یوسف بلوچ، پی ٹی آئی کے امیدوار جان شیر جونیجو اور ایم کیو ایم کے ساجد احمد سمیت دیگر آزاد امیدوار میدان میں ہیں۔ ایک لاکھ پینتالیس ہزار چھ سو ستائیس رجسٹرڈ ووٹرز پر حلقہ مشتمل ہے ۔ پی ایس 88 میں مرد ووٹرز کی تعداد اکیاسی ہزار چار سو پچیس اور خواتین ووٹرز کی تعداد چونسٹھ ہزار دو سو دو ہے۔ الیکشن کمیشن نے حلقے میں ایک سو آٹھ پولنگ سٹیشن اور چار سو دس پولنگ بوتھ بنائے ہیں۔ 33 پولنگ اسٹیشن کو انتہائی حساس اور 36 کو حساس قرار دیا گیا ہے الیکشن کمیشن نے حساس اور انتہائی حساس پولنگ اسٹیشنز کی نشاندہی کرتے ہوئے کراچی پولیس سے اضافی مدد مانگ لی ہے۔ جوہر، ائیرپورٹ، سچل، ملیر سٹی، ملیر کینٹ اور میمن گوٹھ تھانے کی حدود میں آنے والے پولنگ سٹیشنز کو حساس اور انتہائی حساس قرار دیا ہے۔
سانگھڑ حلقہ پی ایس 43
سانگھڑ پی ایس 43 کی نشست رکن صوبائی اسمبلی جام ممد علی کے انتقال کے باعث خالی ہوئی تھی ۔ ضمنی انتخابات کیلئے تحریک انصاف کے مشتاق جونیجو اور پیپلزپارٹی کے جام شبیر علی خان میں کانٹے کا مقابلہ ہے ، الیکشن کمیشن کے مطابق سانگھڑ حلقہ پی ایس 43 میں ووٹروں کی کل تعداد ایک لاکھ 57 ہزار ہے جبکہ حلقہ میں 88 ہزار 34 مرد اور 69 ہزار ایک سو 96 خواتین ووٹرز ہیں ۔پی ایس43 میں انتخابات کیلئے ایک سو 32 پولنگ اسٹیشن قائم کیے گیے ہیں 37 پولنگ اسٹیشنوں کو انتہائی حساس قرار دیا گیا ہے۔
بلوچستان اسمبلی حلقہ پی بی 20 پشین
بلوچستان اسمبلی کے حلقہ پی بی 20 پشین تھری میں ضمنی انتخابات آج ہورہے ہیں ، پی بی 20 پشین تھری کی نشست جے یو آئی کے فضل آغا کی وفات سے خالی ہوئی تھی ۔ الیکشن کمیشن کے مطابق ضمنی انتخاب میں 27 امیدوار حصہ لے رہے ہیں ، پی بی 20 پشین تھری میں ووٹرز کی تعداد 99 ہزار 849 ہے،پی بی 20 پشین تھری کے ضمنی انتخاب کے لئے 113 پولنگ اسٹیشن قائم کردئیے گئے ۔

پشاور میں نادرا کا اسسٹنٹ ڈائریکٹر فائرنگ سے جاں بحق
- 11 days ago
پہلے ایل پی جی اوراب بجلی بم گرا دیا گیا
- 10 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 10 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 9 days ago

پیٹرول اور ڈیزل کی قیمتوں میں کمی کا اعلان
- 12 days ago

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 11 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 10 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 9 days ago

پولیس افسران کی ترقیوں کے خلاف پنجاب حکومت کی اپیلیں خارج
- 10 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 9 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 10 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 9 days ago



