جنوبی وزیرستان میں فورسز کی کارروائی، دہشت گرد ہلاک، جوان شہید

پاک فوج کے شعبہ تعلقات عامہ (آئی ایس پی آر) کے مطابق  گزشتہ  رات جنوبی وزیرستان  میں فوجی چیک پوسٹ کے قریبی علاقےسراردغہ میں   3 سے 4  مشتبہ دہشتگردوں کی نقل و حرکت دیکھی تھی ۔مشتبہ دہشت گردوں سے نمٹنے کے لیے فوری طور پر کوئیک ری ایکشن فورس روانہ ہوئی، موثر کارروائی کے ذریعے ایک دہشت گرد مارا گیا جبکہ ایک زخمی حالت میں پکڑا گیا۔ دہشت گردوں کے ساتھ فائرنگ کے تبادلے کے دوران پاک فوج کے نائیک ضیاءالدین شہید ہو گئے۔

آئی ایس پی آر کا کہنا ہے کہ گرفتار دہشتگرد نے فوجی چوکی پر حملے کی منصوبہ بندی کا انکشاف کیا ہے۔آئی ایس پی آر نے مزید کہا کہ پاک فوج دہشتگردی  سے نمٹنے کے لیے پرعزم ہے۔