سابق امریکی صدر ٹرمپ نے بائیڈن سے استعفے کا مطالبہ کردیا

تفصیلات کے مطابق ڈونلڈ ٹرمپ نے جو بائیڈن سے استعفے کا مطالبہ کرتے ہوئے کہا کہ طالبان کی فتح امریکہ کی بدترین شکست ہے ، وقت آگیاہے جوبائیڈن اس ذلت و رسوائی  پر استعفی دیں ۔  

دوسری جانب افغانستان کی موجودہ صورتحال پر برطانوی وزیراعظم بورس جانسن نے کہا ہے کہ افغانستان دہشت گردوں کا گڑھ نہیں بننا چا ہیے۔کوئی بھی افغانستان کو دہشت گردوں کی افزائش گاہ کے طور پر دیکھنا نہیں چاہتا ہے۔ برطانوی وزیراعظم  نے کہاکہ  آئے روز افغانستان کی صورتِ حال بد سے بدتر ہوتی جارہی ہے، ہم خیال طاقتیں مل کر کام کریں، معاہدے کے بغیر نئی افغان حکومت کو تسلیم نہیں کریں گے۔

خیال رہے کہ عسکریت پسند بلا مزاحمت جلال آباد فتح کرنے کے بعد افغانستان کے دارالحکومت میں داخل ہوگئے تھے جہاں ان کے اقتدار کی پر امن منتقلی کے لیے افغان رہنما سے بات چیت بھی ہوئی ۔ دوسری جانب کابل پر قبضے اور افغانستان کے بیشتر حصے پر عملداری قائم کرنے کے بعد طالبان نے عالمی برادری کے ساتھ مل کر چلنے کی خواہش کا اظہار کیا ہے۔