وفاقی وزیر داخلہ سےپاکستان میں چین کے سفیر نونگ رونگ کی ملاقات

تفصیلات کے مطابق وزیر داخلہ شیخ رشید کا کہنا ہے کہ افغانستان میں تبدیل ہوتے حالات کے پیش نظر ہمارا خطہ اور زیادہ اہمیت اختیار کرچکاہے .

انہوں نے کہا ہے کہ افغانستان میں پائیدار امن خطے کی ترقی اور دنیا کی سلامتی کے لئے اہم ہے، افغانستان میں امن واستحکام کیلئےاپنا کردار ادا کرتے رہیں گے،وزارت داخلہ افغانستان سے نکلنے والوں کو بھر پور معاونت دے رہی ہے۔

وزیر داخلہ نے کہا ہے کہ چینی شہریوں اور پاکستان میں کرنے والی چینی کمپنیوں کی سکیورٹی کو مزید بہتر بنائیں گے،چینی شہریوں کی حفاظت کےُلئے مشترکہ حکمت عملی ترتیب دے رہے ہیں،پاکستان اور چین کے باہمی تعاون اور ترقی کو دہشت گردوں کے ہاتھوں یرغمال نہیں ہونے دینگے۔

چینی سفیر کا کہنا ہے کہ پاکستان میں چینی کمپنیاں مختلف منصوبوں پر کام کررہی ہیں ،چینی شہریوں اور کمپنیوں کے لئےسکیورٹی پرٹوکول مزید سخت کیا جائےگا۔