طالبان کے سپیشل دستوں نے کابل ائیر پورٹ کا انتظام سنبھال لیا

طالبان کے نشریانی ادارے الہجرہ کے مطابق طالبان کے سپیشل یونٹس کے دستے کابل کے حامد کرزئی انٹرنیشنل ائیرپورٹ کی حدود میں داخل ہوگئے ہیں ۔

نشریاتی ادارے کے مطابق سپیشل دستوں نے کابل ائیرپورٹ کے اندرچند مقامات پر پوزیشنز بھی سنبھال لی ہیں ۔ اس ضمن میں طالبان رہنما عبدالحمید حماسی نے بتایا ہے کہ کابل ائیرپورٹ کے فوجی حصے کے تین اہم مقامات امریکی فوج نے خالی کردیے ہیں جس کے بعد طالبان کی سپیشل فورس کے دستوں نے وہاں کا کنٹرول سنبھال لیا ہے ۔

طالبان سے معاہدے کے تحت امریکہ اور دیگر غیر ملکی افواج کی افغانستان سے انخلا کی ڈیڈ لائن 31 اگست ہے ۔