افغانستان کے حالات پر گہری نظررکھےہوئےہیں:فوادچودھری

تفصیلات کے مطابق وزیر اطلاعات کا کراچی میں میڈیا سے گفتگو کرتے ہوئے کہنا تھا کہ افغانستان سے انخلاء بڑامسئلہ ہے،اگرعالمی طاقتوں نے توجہ نہ دی توخطرات بڑھ سکتے ہیں،دنیاخطرات کومحسوس کرے۔

فوادچوہدری کا کہنا تھا کہ پاکستان کے مشورے پرعمل ہوتاتوصورتحال بہترہوتی،دنیانے ہماراکہنانہیں مانا،دنیاافغان عوام کوتنہانہ چھوڑے،ان کی ناکامی کاانتظارنہ کریں،مدد کریں،افغانستان کومعاشی سطح پرسپورٹ اورحکومت سازی میں مدد کی جائے۔

ان کا کہنا تھا کہ پاکستان میں ٹی ٹی پی کاکوئی مستقبل نہیں،پہلے ان کوافغانستان سے امداد ملتی تھی زمین ان کے پاس تھی،افغانستان کی سابق حکومت نے بھارت کیساتھ ملکرپاکستان کوغیرمستحکم کرنے کی کوشش کی تھی۔

انہوں نے کہا ہے کہ وزیراعظم عمران خان نے سابق صدراشرف غنی کومشورہ دیاتھا،بڑے فیصلوں کے لئے بڑا دل چاہئےجوان کے پاس نہیں تھا،ان کے پاس آج سرچھپانے کی جگہ نہیں،پاکستان کےدشمنوں پریہ عذاب ہے۔

وزیراطلاعات کا کہنا تھا کہ خطرات صرف ایک خطے کے نہیں پوری دنیا کےہیں،پاکستان کےمشورے پر عمل کریں تو کل صورت حال بہتر ہوگی،پاکستان کاتجزیہ بالکل درست ثابت ہوا،وزیراعظم عمران خان کی بات حرف بہ حرف درست ثابت ہوئی ہے۔

فواد چوہدری کا کہنا تھا کہ مرادعلی شاہ کو چاہیے کہ وہ 13سال کی کارکردگی سامنے لائیں، لاڑکانہ،بدین اورسانگھڑ کا حال ابتر ہے، سندھ حکومت کو دیاگیا پیسہ دبئی لندن میں نکلتا ہے، سندھ کےوزرا اورلاڈلے پیسہ دبئی شفٹ کرنے میں لگے ہوئے ہیں۔

ان کا مزید کہنا تھا کہ سرمایہ کاروں کےاعتماد میں108فیصد اضافہ ہواہےپاکستان معاشی وسیاسی استحکام کی طرف بڑھ رہا ہے کورونا کے دوران بہتر انتظامات کے حوالے سے پاکستان دنیا میں تیسرے نمبر پر رہا ہے۔