پشاور کے پانچ علاقوں میں سمارٹ لاک ڈاؤن کا نفاذ

تفصیلات کے مطابق ضلعی انتظامیہ کی جانب سے جاری کردہ نوٹیفیکیشن کے مطابق شہر کے پانچ مختلف علاقوں میں آج رات نو بجے سے سمارٹ لاک ڈاؤن نافذ ہوگا۔ جن علاقوں میں سمارٹ لاک ڈاؤن نافذ کیا جارہا ہے ان میں فقیر آباد ، حیات آبادفیز 6 ، فیصل کالونی ، رریاب کالونی اور اعجاز آباد شامل ہیں ۔

اعلامیہ کے مطابق سمارٹ لاک ڈاؤن کے دوران مذکورہ علاقوں میں غیر ضروری نقل و حرکت پر پابندی رہے گی۔ مذکورہ علاقوں میں کورونا کیسز رپورٹ ہونے کی وجہ سے سمارٹ لاک ڈاؤن لگایا جارہا ہے ۔

واضح رہے کہ ملک بھر میں کورونا کیسز کی تعداد میں بدستور اضافہ سامنے آرہا ہے اور اب بھی گزشتہ 24 گھٹے کے دوران 118 افراد موت کے منہ میں  چلے گئے ہیں ، جس کے بعد اموات کی تےتعداد 25 ہزار 788 ہوگئی ہے ۔

نیشنل کمانڈ اینڈ آپریشن سنٹر ( این سی او سی ) کی جانب سے جاری کردہ تازہ اعدادو شمار کے مطابق گزشتہ 24 گھنٹے میں ملک بھر میں تین ہزار 838 کورونا کیسز رپورٹ ہوئے ، ملک بھر میں کورونا کی مجموعی کیسز کی تعداد 11 لاک 60 ہزار 119 ہوگئی ہے ۔