افغانستان چھوڑنےو الے آخری امریکی فوجی کی تصویر جاری

اس حوالے سے تفصیلات دیتے ہوئے ان کا کہنا تھا کہ یہ میجر جنرل کرس ڈونا ہو ہیں جو امریکہ کے لیے روانہ ہونے والے آخری سی 17 میں سوار ہونے لگے ہیں ۔

امریکہ بیس سال بعد افغانستان سے نکل گیا ہے امریکہ نے ڈیڈ لائن سے ایک دن پہلے اپنے فوجیوں کے اںخلا کا مشن مکمل کرلیا ہے ۔

واضح رہے کہ امریکی وزیر خارجہ انٹونی بلنکن نے کہا ہے کہ افغانستان میں فوجی مشن ختم ہوگیا ہے اور اب سفارتی مشن شروع ہورہا ہے۔

امریکی وزیرخارجہ کا کہنا ہے کہ طالبان سے تعلقات امریکی مفاد پر مبنی ہوں گے ، افغانستان سے امریکی سفارتی موجودگی ختم کرکے قطر منتقل کرچکے ہیں ۔ دوحہ میں امریکی سفارت کار طالبان سے رابطہ کریں گے ۔ ان کا کہنا ہے کہ دہشت گردی کے سائے میں انخلا آپریشن مکمل کیا ۔ ہماری فورسز نے کابل انخلا میں اہم کردار ادا کیا ہے ۔

انخلا آپریشن میں معاونت کرنے والے ممالک کے شکر گزار ہیں ، قطر ، ترکی کی کوششوں کو سراہتے ہیں ۔ انٹونی بلنکن  کا کہن اہے کہ ایک لاکھ 35 ہزار سے زائد افراد کو افغانستان سے بحفاظت متنقل کیا گیا ہے ۔ افغانستان سے منتقل کیے گئے افراد میں 6 ہزار امریکی بھی شامل ہیں ۔

ایک یا دو سو کے قریب امریکی اب بھی افغانستان میں موجود ہیں ، ان سے معلوم کیا جارہا ہے کہ وہ افغانستان سے نکلنا چاہتے ہیں یا نہیں ۔