وزیراعظم اور سعودی ولی عہد کے درمیان ٹیلی فونک رابطہ

تفصیلات کے مطابق وزیراعظم عمران خان نے کہا ہےکہ پاکستان سعودی عرب کے ساتھ دیرینہ تعلقات کو مزید مستحکم کرنے کا خواہاں ہے۔

انہوں نے بات چیت میں سعودی عرب کی خود مختاری اور علاقائی سالمیت کے لیے پاکستان کی حمایت کا اعادہ کرتے ہوئے کہا کہ عالمی برادری پر افغانستان کی مدد کی ذمہ داری عائد ہوتی ہے۔

وزیراعظم عمران خان نے کہا کہ ضرورت اس امر کی ہے کہ عالمی برادری افغانستان کی مدد اور تعاون کے لیے آگے بڑھے۔ ان کا کہنا تھا کہ عالمی برادری افغانستان کی معاشی مدد کرے تاکہ ملک اپنے پاؤں پہ کھڑا ہو سکے۔

وزیراعظم عمران خان نے ٹیلی فونک بات چیت میں سعودی عرب کے فرماں روا شاہ سلمان بن عبدالعزیز کے لیے نیک خواہشات کا اظہارکیا۔