بدعنوانی کے خاتمہ کےلئے نیب نےمؤثرحکمت عملی وضع کی:چیئرمین نیب

تفصیلات کے مطابق چیئرمین نیب کا کہنا ہے کہ نیب نے کل 179 میگا کرپشن کے کیسز میں 93 کیسز فائل کئے جبکہ 10 کیسز انکوائری کے مرحلےمیں ہیں اور 13 سو ارب خرد برد کے  1273 نیب ریفرنس احتساب عدالتوں میں زیرسماعت ہیں۔

ان کا کہنا تھا کہ نیب ملک اور قوم کی دولت لوٹنے والے بد عنوان عناصر کو قانون کے مطابق منطقی انجام تک پہنچانے کے لئے پر عزم ہے۔

چیئرمین نیب نے کہنا تھا کہ نیب کے پاس بد عنوان عناصر کے خلاف اربوں روپے کی منی لانڈرنگ،فیک بینک اکاؤنٹس، آمدن سے زائد اثاثے، اختیارات کا ناجائز استعمال کرتے ہوئے قومی خزانے کو نقصان پہنچانے اور غیر قانونی ہاؤسنگ سوسائٹیز کے ذریعے قوم کے اربوں روپے لوٹنے والوں کے خلاف ٹھوس شواہد موجود ہیں۔

ان کا مزید کہنا تھا کہ ملکی ترقی میں تاجر برادری کا کردار انتہائی اہم ہے، نیب کے کسی اقدام سے تاجر برادری کیلئے مشکلات پیدا نہیں ہوئیں۔