ہمیں ملک کو معاشی میدان میں مضبوط بنانا ہوگا : شہبازشریف

تفصیلات کے مطابق مسلم لیگ نون کے صدراور اپوزیشن لیڈر قومی اسمبلی شہباز شریف کا کہنا ہے کہ ملک کی معیشت میں کمزوری ہے، مہنگائی نے تباہی مچا دی ہے، عام آدمی کی کمر توڑ دی ہے، جب ہم نے میثاق معیشت کی بات کی تھی تو مذاق اڑایا گیا ۔ یومِ دفاع کے موقع پر صدر ن لیگ شہباز شریف نے یادگار شہداء مناواں پر حاضری دی، پھول رکھے اور فاتحہ بھی  پڑھی۔

اس موقع پر میڈیا سے بات کرتے ہوئے شہباز شریف نے کہا کہ افواج پاکستان نے ملک کی سرحدوں کو ہمیشہ کیلئے محفوظ بنا دیا ہے، قوم نے جب بھی ایک ہو کر دشمن کا مقابلہ کیا، شکست دشمن کا مقدر بن گئی۔ ان کاکہنا تھا  کہا کہ آج قوم کو متحد ہونا ہوگا، آج کے دور میں دنیا میں اب فوجی جنگیں نہیں معاشی جنگیں لڑی جا رہی ہیں، ، ملک میں مہنگائی کا ایسا طوفان ہے جو رکنےکا نام ہی نہیں لے رہا ہے۔ افواج پاکستان نے پاکستان کی سرحدوں کو ہمیشہ کے لیے محفوظ بنا دیا،اسی طرح ہمیں پاکستان کو معاشی میدان میں مضبوط بنانا ہو گا۔