کنٹونمنٹ بورڈ انتخابات : الیکشن کمیشن نے ضابطہ اخلاق جاری کردیا

تفصیلات کے مطابق الیکشن کمیشن آف پاکستان (ای سی پی ) نے میڈیا، سیکیورٹی اہلکاران  اور مانیٹرنگ ٹیموں کیلئے ضابطہ اخلاق جاری کیا ہے، مانیٹرنگ ٹیمیں تمام سٹیک ہولڈرز سے ضابطہ اخلاق پر عملدرآمد کروائیں گیں، ضابطہ اخلاق کے مطابق پولیس اور رینجرز پولنگ اسٹیشن کے باہر ڈیوٹی کریں گے۔

سیکیورٹی اہلکاران ووٹرز کے ساتھ نرمی اور اخلاق سے پیش آئیں گے، سیکیورٹی اہلکاران غیر جانبدارانہ رویہ رکھیں گے۔پولنگ اسٹیشن کے اندر  اور باہر اسلحہ کی نمائش پر پابندی ہوگی۔ صرف الیکشن کمیشن کے اجازت نامہ کے حامل افراد کو پولنگ اسٹیشن میں کیمرہ لانے دیا جائے گا۔