پاکستان کی مسلح افواج نے ہر مرحلے پر قوم کو سرخرو کیا: وزیراعظم آزادکشمیر

تفصیلات کے مطابق وزیراعظم آزاد کشمیر کا کہنا ہے کہ 6 ستمبر 1965 کو پاکستانی عوام اور بہادرافواج نے اتحاد و یکجہتی کا بے مثال مظاہرہ کیا،افواج پاکستان نے ملک کی نظریاتی اور جغرافیائی سرحدوں کی حفاظت کی اور بیرونی سازشوں کو ناکام بنایا۔

انہوں نے کہا ہے کہ پاکستان اور آزاد کشمیر کے عوام پاک فوج کو بہادری کی تاریخ رقم کرنے پر سلام پیش کرتے ہیں،اپنی جانوں کا نظرانہ پیش کرنے والے عظیم شہدا کو خراج عقیدت پیش کرتے ہیں،ہم ان شہدا کی بدولت آزادی کی نعمت کو برقرار رکھے ہوئے ہیں۔

ان کا کہنا تھا کہ ہمیں اپنی مسلح افواج کی صلاحیتوں پر ناز ہے،پاک فوج مادروطن کیخلاف کسی بھی جارحیت کامنہ توڑجواب دینےکی صلاحیت رکھتی ہے۔

سردار عبدالقیوم نیازی کا کہنا ہے کہ مقبوضہ کشمیر کے مظلوم عوام کو اپنے مکمل تعاون کایقین دلاتا ہوں،مقبوضہ کشمیر کی آزادی تک ہر ممکن اقدامات جاری رکھے جائیں گے۔

ان کا مزید کہنا تھا کہ عوام وزیراعظم پاکستان کے ویژن کے مطابق ملک کی ترقی اور خوشحالی کے لیے اپنا بھرپور کردار ادا کرتے رہیں۔