گوادر اور کوئٹہ دھماکوں کے دونوں حملہ آوروں کی شناخت ہو گئی: شیخ رشید

وفاقی وزیر داخلہ شیخ رشید نے پریس کانفرنس کرتے ہوئے کہا کہ  پاکستان میں کوئی رفیوجی کیمپ نہیں ہے ،  چمن میں جومسائل ہیں وہ 12 تاریخ کے بعد حل کردیں گے۔ خطے میں افغانستان کی سیاست کا بہت بڑاعمل دخل ہوگا۔

شیخ رشید نے کہا کہ   بھارت کا پروپیگنڈا بے بنیاد ہے، خطے میں بھارت کو سب سے زیادہ منہ کی کھانا پڑی، گوادر اور کوئٹہ دھماکوں کے دونوں حملہ آوروں کی شناخت ہو گئی  ہے،گوادر اورکوئٹہ دھماکے کے خودکش بمبارافغانستان سے آئے،شافغانستان میں بھارت کے 66کیمپ تھے، پاکستان پر امن و امان کے حوالے سے دباؤ بڑھایا جا رہا ہے، ہم افغانستان میں امن واستحکام کے ساتھ ہیں۔

وزیر داخلہ نے مزید کہا کہ  پاک فوج دہشت گردی سے نمٹنے کی پوری صلاحیت رکھتی ہے،  طورخم بارڈرکا درہ کیا ہے، وہاں کے حالات بالکل ٹھیک ہیں۔پاکستان کو چین کے ساتھ دوستی پر ناز ہے، طالبان کی سی پیک میں شامل ہونے کی خواہش اچھی بات ہے۔