شمالی وزیرستان میں دوسالی کے مقام پر کلئیرنس آپریشن کے دوران  آئی ای ڈی دھماکا، آئی ایس پی آر

پاک فوج کے شعبہ تعلقات عامہ (آئی ایس پی آر ) کے مطابق  سیکیورٹی فورسز   کے  شمالی وزیرستان کے علاقے دوسالی میں کلیئرنس آپریشن  کے دوران بارودی سرنگ کے دھماکے سے 2 سپاہی شہید  ہوگئے ہیں ۔

 آئی ایس پی آر کے مطابق  دھماکے سے سپاہی ضیا اکرم اور مصور خان شہید  ہوگئے ہیں ، ضیا اکرم مظفر آباد جبکہ مصور خان باجوڑ سے تعلق رکھتے تھے۔سیکویرٹی فورسز نے علاقے کو گھیرے میں لے کر دہشتگردوں کی تلاش شروع کردی ہے۔

آئی ایس پی آر کا کہنا ہے کہ  سیکیورٹی فورسز سے فائرنگ  کے  تبادلے میں ایک دہشتگرد ہلاک بھی ہوا ہے۔