ماڈل کے بھارتی فوجی گاڑی پر حملے کی ویڈیو وائرل ہوگئی

بھارتی میڈیا رپورٹ کے مطابق واقعہ ریاست مدھیہ پردیش کے ضلع گوالیار میں پیش آیا ہے جب کہ پولیس کا کہنا ہے کہ ویڈیو میں موجود خاتون دہلی سے آئی ہوئی ماڈل ہیں جنہوں نےمبینہ طور پر شراب کے نشے میں سڑک پر آکر فوج کی گاڑی روک دی اور پھر گاڑی پر حملہ کردیا ۔ 

خاتون ماڈل کی آرمی کی گاڑی پر حملے کی ویڈیو سوشل میڈیا پر وائرل ہوگئی ہے ، ویڈیو میں خاتون کو گاری پر باربار مارتے حتیٰ کہ گاڑی کی ہیڈلائٹ کو نقصان پہنچاتے بھی دیکھا جاسکتا ہے ۔

اس دوران جب گاڑی میں موجود فوجی اہلکار کی جانب سے خاتون کو روکنے کی کوشش کی گئی تو اس نے بھارتی فوجی کو بھی دھکادے دیا ۔ اس دوران ویڈیو میں موجود شخص کو کہتے سنا جاسکتا ہے کہ سر ویڈیو بن رہی ہے جس کی بعد فوج اہلکار دوبارہ گاڑی میں جا کر بیٹھ جاتا ہے ۔