چینی اور امریکی صدور کا سات ماہ میں پہلی بار ٹیلی فونک رابطہ

چینی سرکاری میڈیا کے مطابق دونوں رہنماؤں کے درمیان گفتگو میں رابطے برقرار رکھنے ، ورکنگ ٹیموں کی سطح پر رابطے بڑھانے پر اتفاق ہوا ہے۔

چینی صدر نے کہا ہے کہ موسمیاتی تبدیہلی کے معاملے پر تعاون جاری رکھیں گے ۔ چین سے متعلق امریکی پالیسی نے سنگین مشکلات پیدا کی ہیں ، دونوں صدور نے تنازع کی طرف جانے والے راستے سے دور رہنے پر زور دیا ہے ۔ 

اس حوالے سے وائٹ ہاؤس کا کہنا ہے کہ چین اور امریکی صدور کے درمیان اسٹریٹیجک معاملات پر طویل گفتگو ہوئی ، جوبائیڈن کی چینی صدر سے گفتگو امریکا اور چین کےد رمیان جاری مسابقت کا نظام بہتر کرنے کی کوششؤں کا حصہ ہے ۔ دوسری جانب ایک امریکی عہدیدار نے بتایا ہے کہ امریکی و چینی صدور کے درمیان گفتگو تقریباََ نوے منٹ تک جاری رہی ۔

دونوں رہمناؤں نے کورونا وبا سمیت متعدد عالمی امور پر گفتگو کی ، دونوں رہنماؤں کے درمیان ٹیلی فونک رابطے کا مقصد مخصوص معاہدے یا نتائج پیدا کرنا نہیں تھا۔ وائٹ ہاؤس  کے مطابق چینی صدر شی جن پنگ نے سنگین مشکلات سے دوچار تعلقات کو نئی سمت دینے کی ضرورت پر بھی زور دیا ۔