پاکستان میں امن واستحکام تباہ کرنےکی تمام سازشوں کوہرقیمت ناکام بنادیں گے: آرمی چیف

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ کی زیرصدارت کورکمانڈرکانفرنس ہوئی، کورکمانڈرکانفرنس میں عالمی، علاقائی اورملکی سلامتی کی صورتحال کا تفصیلی جائزہ لیا گیا،فورم کوافغانستان کی موجودہ صورتحال، بالخصوص پاک افغان بارڈرپرسیکورٹی اورخطرات کے خلاف موثرحفاظتی اقدامات سے آگاہ کیا گیا۔

آئی ایس پی آر کا کہنا ہے کہ  آرمی چیف نےافغانستان سےغیرملکی عملےکےانخلامیں فوج کےکردارکی تعریف کی۔

آرمی چیف جنرل قمر جاوید باجوہ نے  مؤثربارڈرمنیجمنٹ نظام پراطمینان کااظہار کیا۔ آرمی چیف نے کہا کہ  بارڈرمنیجمنٹ سےنقل وحرکت اورداخلی سیکیورٹی صورتحال کنٹرول میں ہے۔پاکستان خطےمیں دیرپاامن کیلئےکوشاں ہے،عالمی برادری افغانستان میں بامقصدرابطوں اورانسانی ہمدردی کےتحت اپناکرداراداکرے،خطےمیں دیرپاامن واستحکام کیلئےعالمی برادری کامتحرک کردارضروری ہے۔

کورکمانڈر کانفرنس میں   کہا گیا کہ خطےمیں تمام فریقین دیرپاامن کیلئےباہمی تعاون کوفروغ دیں، کانفرنس کےشرکا نےسیدعلی شاہ گیلانی کوبھرپورخراج عقیدت پیش کیا،سیدعلی شاہ گیلانی نےپوری زندگی کشمیریوں کےحق خودارادیت کیلئےصرف کی۔

آئی ایس پی آر نے کہا کہ کانفرنس  نے بھارتی جبرکیخلاف کشمیریوں کےحق خودارادیت سےمکمل یکجہتی کےعزم کااعادہ کیا۔آرمی چیف نےتمام فارمیشنزکی پرامن محرم کیلئےکوششوں کوسراہا۔

آرمی چیف جنرل قمر جاوید باجوہ  نے  روایتی اورغیرروایتی خطرات سےنمٹنےکیلئےپاک فوج کومکمل تیاررہنےکی ہدایت کی ہے،انہوں نے کہا کہ  پاکستان میں امن واستحکام تباہ کرنےکی تمام سازشوں کوہرقیمت ناکام بنادیں گے۔