حکومت کا الیکشن کمیشن کے حوالے سے نئی حکمت عملی کیلئے اعلی سطحی اجلاس طلب

تفصیلات کے مطابق وزیر اعظم عمران خان نے  اعلیٰ سطحی اجلاس طلب کرلیا ہے، وزیراعظم عمران خان کی زیر صدارت اجلاس کچھ دیر بعد ہوگا، اجلاس میں فواد چودھری، اعظم سواتی سمیت دیگر وزرا شریک ہوں گے۔

وزیر اعظم عمران خان نے اعلی سطح کا اجلاس طلب کرلیا@ImranKhanPTI @PTIofficial #GNN pic.twitter.com/aqGhPI6IuS

— GNN (@gnnhdofficial) September 21, 2021

الیکشن کمیشن آف پاکستان (ای سی پی ) کے حوالے سے حکومت اپنا لائحہ عمل طے کرے گی۔وفاقی وزیر اطلاعات فواد چودھری اور وزیر ریلوے  اعظم سواتی کو جاری نوٹسز پر بھی غور کیا جائے گا۔

چند روز قبل الیکشن کمیشن آف پاکستان (ای سی پی ) نے وفاقی وزیر فواد چودھری اور اعظم سواتی کو نوٹس جاری  کیے تھے۔  دونوں کو نوٹس جاری کرنے کا فیصلہ الیکشن کمیشن کے ہنگامی اجلاس میں کیا گیا تھا ۔اجلاس میں  پیمرا کی جانب سے موصول ہونے والے  ویڈیو کلپس ،ایوان صدر اجلاس اور سینیٹ کی قائمہ کمیٹی میں الزام تراشی کے ڈرافٹ کا جائزہ بھی لیا گیا تھا۔

قبل ازیں  وفاقی وزیر فوادچودھری نے کہا تھا کہ الیکشن کمیشن کی منطق عجیب و غریب ہے،الیکشن کمیشن کہتا پارلیمنٹ کو حق نہیں ہے بتائے انتخابات کیسے ہوں گے،آئین میں واضح لکھا ہے صاف شفاف انتخابات کے قوانین بنانا پارلیمنٹ کا کام ہے،قانون بنانے کا اختیار الیکشن کمیشن کے نہیں پارلیمان کے پاس ہے،پارلیمان میں بیٹھے ارکان فیصلہ کرتے ہیں کس طرح کا نظام اپنانا ہے،الیکشن کمیشن کو ٹیکنالوجی کے استعمال پر اعتراض نہیں ،انہوں نے کہاکہ چیف الیکشن کمشنر کو زیادہ شوق ہے اپوزیشن کے ماﺅتھ پیس کے طور پر کام کریں ،چیف الیکشن کمشنر کو نوازشریف نے لگایا تھااس لئے ان کی زبان بول رہے ہیں۔