طالبان حکومت کو تسلیم کرنےکافیصلہ   پڑوسی  ممالک سے مشاورت کے بعد  کریں گے، وزیر اعظم

وزیراعظم عمران خان  نے غیر ملکی خبر رساں ادارے کے مطابق سب کو ساتھ لیکر چلنے سے افغانستان میں پائیدار امن ممکن  ہوگا،  توقع ہے افغانستان میں طالبان خواتین کوتعلیم کی اجازت دے دیں گے۔ طالبان کاکہنا ہے کہ وہ خواتین کومرحلہ وار قومی دھارےمیں شامل کریں گے، طالبان ایک جامع حکومت تشکیل دیں گے، افغانستان میں ابھی جامع حکومت نہیں بن سکی۔

وزیراعظم عمران خان نے کہا کہ  طالبان حکومت کو تسلیم کرنےکافیصلہ   پڑوسی  ممالک سے مشاورت کے بعد  کریں گے،افغان سرزمین کو دہشت گردی  کیلئے  استعمال نہیں کیا جائے گا،  اس وقت کوئی کچھ نہیں کہہ سکتا کہ افغان حکومت کس طرف جائے گی، سچ یہ ہے کہ کوئی نہیں جانتا کہ افغانستان اب کہاں جائے گا، آگے کیا ہوگا،ہمیں بہت زیادہ فکر کرنے کی ضرورت ہے۔

 وزیراعظم نے انٹرویو میں کہا کہ  افغانستان میں 40سال سے جاری جنگ کاخاتمہ اچھی خبر ہے، ہمیں اس  خونریزی کا خدشہ تھا جو سوویت کے بعد کے افغانستان میں دیکھی گئی، ہم نے نہیں سوچا تھا کہ طالبان فوری طور پر کنٹرول سنبھال لیں گے،  ہمیں خدشہ تھا کہ طالبان  پشتون آبادی والے علاقوں پر قبضہ کر لیں گے، خدشہ تھا کہ قبضے سے  خانہ جنگی شروع ہو جائے گی۔