فارمولا ون : لیوس ہیملٹن  نے فتوحات کا نیا ریکارڈ بناڈالا

غیر ملکی خبر رساں ادارے کے مطابق برطانیہ کے لیوس ہیملٹن  رشین گراں پری  ریس جیت کر فارمولا ون میں 100 ریسز جیتنے والے پہلےریسر بھی بن گئے ہیں ۔  اس کامیابی کے ساتھ سیزن کے ٹیبل پر 2 پوائنٹس کی برتری کے ساتھ پہلے نمبر پر بھی آگئے۔

روس کے سوچی آٹو ڈروم کے ٹریک پر ہونے والی ریس کی ابتدا میں لیوس ہیملٹن کو مشکلات کا سامنا تھا مگر پھر بارش کے سبب ہملٹن کو دیگر ڈرائیورز سے آگے نکلنے کا موقع مل گیا جس کے بعد اُنہوں نے آخری چند لیپس میں شاندار ڈرائیونگ کرتے ہوئے ریس فنش کی اور ٹائٹل اپنے نام کرنے میں کامیاب ہوئے۔فارمولا ون میں سب سے زیادہ ریسز جیتنے والے ڈرائیور ز میں جرمنی کے مائیکل شوماکر دوسرے نمبر پر  آگئے ہیں ۔