انٹربینک میں ڈالر کی قیمت تاریخ کی بلند ترین سطح پر

کاروباری ہفتے کے پہلے ہی روز انٹربینک میں آج ڈالر کا بھاؤ 51 پیسے بڑھا ہے۔  دن میں کاروبار کے اختتام پر انٹربینک میں ڈالر کا بھاؤ 169 روپے 60 پیسے ہے۔

اسی طرح اوپن مارکیٹ میں ڈالر کا بھاؤ 171 روپے برقرار ہے۔

دوسری جانبملک میں آج سونے کی فی تولہ قیمت میں 50 روپے اضافہ ہوا ہے۔ 

سندھ صرافہ بازار جیولرز ایسوسی ایشن کے مطابق 50 روپے اضافے سے ملک میں ایک تولہ سونے کی قیمت ایک لاکھ 13 ہزار 550 روپے ہوگئی ہے۔ 
 
اسی طرح 10 گرام سونے کی قدر 43 روپے بڑھ کر 97 ہزار 351 روپے ہے۔

ایسوسی ایشن کے مطابق عالمی صرافہ مارکیٹ میں سونے کی قدر ایک ڈالر کم ہوکر ایک ہزار 750 ڈالر فی اونس ہے۔