جامشورو: سپر ہائی وے پر زائرین کی بس کو حادثہ ، 5افراد جاں بحق 

جی این این کے مطابق سپرہائی وے  پر زائرین کی بس اور ٹرالر میں تصادم کے نتیجے میں  5 افراد موقع پر دم توڑ گئے جبکہ 20 سے زائد زخمی ہیں ۔ زخمیوں  میں خواتین و مردوں سمیت بچے بھی شامل ہیں ۔ حادثے کی اطلاع ملتے ہی  امدادی ٹیمیں ، لونی کوٹ پولیس اور موٹروے پولیس موقع پر پہنچ گئی ۔

جاں بحق افراد کی لاشوں اور زخمیوں کو لمس ہسپتال جامشورو منتقل کیا گیا ہے ۔  پولیس کے مطابق  بس میں سوار مسافروں کا تعلق کراچی سے ہے۔

ایدھی ذرائع کے مطابق  حادثے میں جاں بحق  ہونے والوں کی شناخت  شبیہ حسن عباس، علی بلاول، سہیل علی، دلشاد، عباس رضوی  کے نام سے ہوئی ہے ۔ جاں بحق افراد میں سے چار کی میتیں فیڈرل بی ایریا بلاک بیس انچولی لائی جارہی ہیں ۔