گلوکارہ شکیرا پر جنگلی سوروں کا حملہ

بارسلونا : عالمی شہرت یافتہ کولمبین گلوکارہ شکیرا پر بارسلونا کے ایک پارک میں جنگلی سوروں نے حملہ کردیا ۔

غیر ملکی میڈیا کے مطابق شکیرا کا کہنا ہے کہ وہ بارسلونا کے ایک پارک میں اپنے بیٹے کے ساتھ وقت گزار رہی تھیں کہ اچانک سے 2 جنگلی سوروں نے ان پر حملہ کردیا ، خوش قسمتی سے وہ اور ان کا بیٹا محفوظ رہا ،۔ 

44 سالہ گلوکارہ نے دعویٰ کیا ہے کہ جنگلی سور ان پر حملہ کرنے کے بعد ان کا بیگ لیکر جنگل کی طرف بھاگ گئے ۔ 

شکیرا کا کہنا تھاکہ جنگلی سور میرا بیگ جنگل میں لے جارہے تھے جس میں میرا موبائل فون تھا ، انہوں نے سب کچھ خراب کردیا ۔۔