وزیراعظم عمران خان کی زیرصدارت قومی رابطہ کمیٹی برائے ہاؤسنگ و تعمیرات کا اجلاس

تفصیلات کے مطابق وزیراعظم کا کہنا تھا کہ حکومت ماحولیاتی تحفظ کیلئے جنگلات کی زمینوں کی حفاظت کو یقینی بنا رہی ہے،فوڈ سکیورٹی اورموسمیاتی تبدیلی اس وقت بشمول پاکستان دنیابھر کا سب سے اہم مسئلہ ہے۔

ان کا کہنا تھا کہ قبضہ شدہ زمین کو واگزار کرانے کیلئے اقدامات کررہےہیں،جبکہ انہوں نے کہا کہ کیڈسٹرل میپمنگ سے ڈیڈ کیپٹل کی نشاندہی  اور اس کا بہتر استعمال ممکن ہو سکے گا۔

اجلاس کو چیئرمین سی ڈی اے نے اسلام آباد میں جاری ترقیاتی منصوبوں کے حوالے سے آگاہ کیا اور بتایا کہ سیکٹر I-15 کی تکمیل ایک سال کی قلیل مدت  میں یقینی بنائی گئی ہے۔ 

چیئرمین سی ڈی کا بریفنگ دیتے ہوئے کہنا تھا کہ نیاپاکستان ہاؤسنگ کےتحت فراش ٹاؤن،دیگر انفراسٹرکچرکے منصوبے جلد مکمل کر لئےجائینگے،اسلام آباد میں جنگلات کی زمین کے ریکارڈ کی ڈیجیٹلائزیشن بھی تقریباً مکمل کی جا چکی ہے۔ 

اجلاس کو سروئیر جنرل کی طرف سے کیڈسٹرل میپنگ پر بھی تفصیلی بریفنگ دی گئی اوربتایا گیا کہ اسلام آباد اور لاہور سمیت پورے ملک میں ڈیجیٹل میپنگ اور سرکاری زمینوں کی نشاندہی پر کام تیزی سے جاری ہے۔

اجلاس کو سپیشل/سائیٹ ڈویلپنٹ زونز پر بھی بریفنگ دی گئی متعلقہ اعلی افسران نے کہا کہ ڈویلپمنٹ زونز پیری اربن سیٹلمنٹس کو بنیادی سہولیات کی فراہمی یقینی بنائیں گے ،منصوبے سے زمین کا بہتر استعمال اور غیر قانونی سوسائٹیوں کی روک تھام میں مدد بھی ملے گی۔