ہمیں نہیں پتہ تھا کہ دھاندلی کے ذریعے نالائق کومسلط کر دیا جائے گا:احسن اقبال

تفصیلات کے مطابق احسن اقبال کا کہنا تھا کہ چین کےمنصوبوں میں معاشی گروتھ کافور کاسٹ 6 فیصد تھا،اگر معاشی گروتھ ہوتی رہتی تو یہ منصوبے بھی کم پڑ جاتے۔

ان کا کہنا تھا کہ معیشت کو کریش کر دیا گیا جس سے مانگ ختم ہو گئی، حکومت نے بجلی کے نرخوں میں 3 گنا اضافہ کرکےمزید مانگ کوختم کر دیا،اگر مانگ ہی ختم کر دی تویہ ن لیگ یامنصوبہ لگانے والوں کاتو قصور نہیں۔

انہوں نے کہا ہے کہ الٹا انہوں نے چین کے منصوبوں کو پاکستان کے گلے کا توق قرار دینا شروع کر دیا،آپ سرمایہ کاری پر ان کاشکریہ ادا نہیں کر سکتے تو کم از کم الزام تومت لگائیں۔ 

احسن اقبال کا کہنا تھا کہ 95فیصد بڑے منصوبے جن کیطرف وزیراعظم نے اشارہ کیا کہ کرپشن ہوئی، ملتان سکھر موٹروے کا منصوبہ میں چین نے براہ راست سرمایہ کاری کی ہے۔

ان کا مزید کہنا تھا کہ ایف ڈبلیو او پاک فوج کا ادارہ ہے، مشکل ترین علاقوں میں جانوں کی قربانی دےکرایف ڈبلیو او کے جوانوں نے منصوبے مکمل کئیے۔