دبئی ایکسپو 2020  : دنیا کے سب سے بڑے ثقافتی میلے کا باضابطہ آغاز

آج  خطے کے سب سے بڑے عالمی اقتصادی ایونٹ "دبئی ایکسپو 2020"  کاباقاعدہ آغاز ہوگیا ہے  ۔ ’دبئی ایکسپو‘ جو کرونا پھیلنے کے بعد سب سے بڑا عالمی ایونٹ قرار دیا جاتا ہے ایک سال کی تاخیر سےمنعقد ہورہا ہے۔

دبئی   ایکسپو میں دنیا بھر کے ممالک اپنی اپنی پویلین کے ذریعے اپنے آرٹ، کلچر اور ایجادات کو دنیا کے سامنے پیش کریں گے ۔ اس ایونٹ کی افتتاحی تقریب دنیا کی سب سے بڑی 360 ڈگری پروجیکشن سکرین کے ذریعے  یو اے ای اور دنیا بھر کے دیگر ممالک میں 430 مقامات پر لائیو دکھائی گئی۔

دوبئی  کے ولی عہد شیخ ہمدان بن محمدآل مکتوم نے رنگا رنگ افتتاحی تقریب کا آغاز کیا، حاکم دبئی شیخ محمد بن راشد آل مکتوم اور ابوظہبی کے ولی عہد شیخ محمد بن زاید بھی اس تقریب میں شریک تھے۔

Dubai is connecting the present with the future as it prepares to welcome the world for 6 months. Bringing together 192 nations in over 200 pavilions, showcasing top innovations,connecting minds for a better future. Dubai, the world's metropolis,welcomes its visitors at #Expo2020 pic.twitter.com/eoKkhWKYnD

— Maktoum Bin Mohammed (@MaktoumMohammed) September 30, 2021

یہ مشرق وسطیٰ میں اپنی نوعیت کا پہلا ایونٹ ہے جس میں 192 ممالک سے لوگ شرکت کررہے ہیں ، جو کہ   یکم اکتوبر 2021 سے 31 مارچ 2022 تک جاری رہے گی۔

یہاں یہ بات قابل ذکر ہے کہ ایکسپو کا پہلا ورژن لندن میں 1851 میں کرسٹل پیلس میں منعقد کیا گیا تھا جو خاص طور پر اس مقصد کے لیے بنایا گیا تھا۔ اس میں ایفل ٹاور کی عارضی پرکشش مقام کے طورپر 1889 میں پیرس میں دکھایا گیا تھا۔ اس کے بعد مشرق وسطیٰ میں پہلی بار ایکسپو اس کی میزبانی کر رہا ہے۔ توقع ہے کہ یہ مشرق وسطیٰ کا سب سے بڑا ایونٹ ہوگا جس میں چھ ماہ کے دوران 25 ملین لوگ وزٹ کریں گے۔

کوویڈ وبا کے دوران منعقد ہونے والا سب سے بڑا ایونٹ ٹوکیو اولمپکس تھا جو گذشتہ موسم گرما میں منعقد ہوا تھا لیکن وائرس پھیلنے کے خطرے کے پیش نظر اس میں تماشائیوں کو براہ راست شرکت کی اجازت نہیں دی گئی تاہم دبئی ایکسپو 2020 ایک ایسا پروگرام ہے جس میں پوری دنیا سے لوگ براہ راست شرکت کریں گے۔