ویکسی نیشن نہ کرانے والوں پر پابندیوں کااطلاق آج سے ہوگا

اسلام آباد: کورونا وائرس کے باعث ویکسی نیشن نہ کروانے والوں پر اعلان کردہ پابندیوں کا اطلاق آج سے ہوگا ۔ 

واضح رہے کہ نیشنل کمانڈ آپریشن سینٹر ( این سی او سی ) نے کورونا وائرس کی ویکسی نیشن نہ کرانے والے شہریوں کو یکم اکتوبر سے کئی سہولتوں سے محروم کرنے کا اعلان کیا تھا ۔ 

اس ضمن میں این سی او سی نے خبردار کای تھا کہ ویکسی نیشن نہ کرانے والے افراد فضائی سفر کرنے کے مجاز نہیں ہوں گے اور نہ ہی ایسے افراد کو شادی کی تقاریب اور شاپنگ مالز میں جانے کی اجازت ہوگی ۔ 

این سی او کے اعلان کے تحت ویکسی نیشن نہ کروانے والے افرا کو ڈائرن ان اورڈائن آؤٹ کی بھی اجازت نہیں ہوگی اور  نہ ہی وہ ہوٹلز یا گیسٹ ہاؤسز میں قیام کرسکیں گے ۔

کورونا ویکسینیشن نہ کرانے والے ایسے افراد جو تعلیمی اداروں میں بطور اساتذہ فرائض سر انجام دے رہے ہیں، آج سے ذمہ داریاں ادا کرنے کے مجاز نہیں ہوں گے۔

این سی او سی کے اعلان کے تحت شعبہ ٹرانسپورٹ سے وابستہ ایسے افراد جنہوں نے ویکسینیشن نہیں کرائی ہے اپنی ڈیوٹیاں آج سے ادا نہیں کرسکیں گے۔