پاکستان کا  کالعدم تحریک طالبان پاکستان سے غیر مسلح ہونے کا مطالبہ

تفصیلات کے مطابق حکومت اور ٹی ٹی پی کے درمیان مذاکرات شروع ہوگئے ہیں۔ وزیر اعظم عمران خان نے غیر ملکی میڈیا کو انٹریو دیتے ہوئے کالعدم  تحریک طالبان پاکستان سے غیر مسلح ہونے کا مطالبہ کر دیا۔

مزید پڑھیں : بھارت چینی علاقوں پر قبضے کی کوششوں سے باز رہے، چین کی تنبیہ

وزیر اعظم عمران خان نے کہا کہ افغان طالبان مذاکرات میں مصالحتی کردار ادا کر رہے ہیں ، کالعدم  ٹی ٹی پی اگر مذاکرات چاہتی ہے تو غیر مسلح ہو۔

وزیر اعظم نے کہا کہ  کالعدم ٹی ٹی پی کے بعض لوگ امن مذاکرات کیلئے رضا مند ہیں ۔اگر وہ ہتھیار ڈال دیں تو انہیں معاف کردیں گے اور وہ بھی عام شہریوں کی طرح زندگی گزار سکیں گے۔ ان کا کہنا تھا کہ  نہیں جانتے کہ کالعدم تحریکِ طالبان پاکستان سے بات نتیجہ خیز ہوگی یا نہیں۔

وزیر اعظم پاکستان عمران خان نے مزید کہا کہ  کبھی بھی مسائل کے  فوجی حل  پر یقین نہیں رکھتا،ہمیشہ کہا کہ افغانستان مسئلے کا فوجی حل نہیں ہے،کسی بھی مسئلے کا حل   طاقت نہیں مذاکرات ہیں۔