مشرق وسطیٰ کی پہلی  عالمی نمائش دبئی ایکسپو 2020 کا آغاز

غیر ملکی خبر رساں ادارے کے مطابق   یو ای اے میں مشرق وسطیٰ کی پہلی  عالمی نمائش کا آغاز ہوگیا ہے جس میں 190 سے زائد ممالک شریک ہورہے ہیں۔  دنیا کے سب سے بڑے ثقافتی ایونٹ دبئی ایکسپو 2020 کا ایک سال کی تاخیر سے بالآخر رنگا رنگ افتتاحی تقریب کے ساتھ آغاز ہوا۔

عالمی نمائش دبئی ایکسپو 2020 یکم اکتوبر 2021 سے 31 مارچ 2022 یعنی 6 ماہ تک جاری رہے گی ، اس عالمی نمائش  میں پوری دنیا سے  لاکھوں وزیٹرز کی آمد متوقع ہے، ایونٹ میں شامل ہونے والے افراد کیلئے ماسک کی پابندی لازمی قرار دی گئی ہے جبکہ 18 سال سے زائد عمر افراد کے لیے ویکسینیٹڈ ہونا اور کورونا ٹیسٹ منفی ہونا لازمی ہے۔

واضح رہے کہ  پاکستان پویلین بھی دبئی ایکسپو 2020 کا حصہ ہےاور اس کے انعقاد میں 6.8 ارب ڈالر کے اخراجات آرہے ہیں۔