نیشنل ٹی ٹوئنٹی کپ : بلوچستان کے کپتان امام الحق میچ کے دوران زخمی ہوگئے

تفصیلات کے مطابق نیشنل ٹی ٹوینٹی کپ میں جنوبی پنجاب اور بلوچستان کے درمیان میچ کھیلا گیا، میچ کے دوران بلوچستان کے کپتان امام الحق میچ کے دوران زخمی ہوگئے۔  فیلڈنگ کرتے ہوئے امام الحق باؤنڈری بورڈ سے ٹکراگئے تھے،  شدید تکلیف کے باعث اوپننگ بیٹسمین کو سٹریچر کے ذریعے گراؤنڈ سے باہر لایا گیا۔

خیال رہے کہ اس سے قبل نیشنل ٹی ٹوئنٹی کپ میں خیبر پختونخوا کے کھلاڑی فخرزمان انجری کا شکار ہوگئے تھے۔فخرزمان انگوٹھے پر گیند لگنے کی وجہ سے انجری کا شکار ہوئے  تھے،ذرائع  کے مطابق فخر زمان کو ٹیم فزیو نے 4 سے 5 دنوں کےلیے آرام کا مشورہ دیا ہے اور اس لیے وہ  اپنی ٹیم کیلئے اگلے دو میچز میں شریک نہیں ہوں گے ۔