سوات اور گرد نواح میں زلزلے کے جھٹکے

تفصیلات کے مطابق سوات اور گرد نواح میں زلزلے کے جھٹکے محسوس کئے گئے ہیں ۔زلزلہ پیما مرکز کے مطابق   زلزلے کی شدت 4.7ریکاڈ کی گئی ہے جبکہ  زلزلے کی گہرائی 212 کلومیٹر تھی۔زلزلہ پیما مرکز کا کہنا ہے کہ   زلزلے کا مرکز پاک افغانستان تاجکستان کا سرحدی علاقہ تھا  ۔

زلزلے کے خوف سے لوگ گھروں، دکانوں اور دفاتر سے کلمہ طیبہ کا ورد کرتے ہوئے باہر نکل آئے۔ زلزلے کے بعد فی الحال  کسی  جانی و مالی نقصان کی اطلاعات موصول نہیں ہوئی ہیں ۔

گزشتہ ما ہ 26 ستمبر کو بھی  مینگورہ شہر اور گردونواح میں زلزلے کے جھٹکے محسوس کئے گئے  تھے۔  زلزلے کی شد ت 4.3 ریکارڈ کی گئی  تھی۔ زلزلہ پیما مرکز کے مطابق   زلزلے کی زیرزمین گہرائی170 کلومیٹر  ریکارڈ کی گئی تھی، زلزلے کا مرکز افغانستان تاجکستان کا سرحدی علاقہ تھا۔

خیال رہے کہ  11 ستمبر 2021 کو بھی  سوات اور گرد و نواح میں زلزلے کے جھٹکے محسوس کئے گئے تھے، جس کی شدت 4 اور گہرائی 180 کلو میٹر ریکارڈ کی گئی تھی۔ جس کا مرکز کوہ ہندوکش کا پہاڑی سلسلہ تھا۔