اداکار منوج باجپائی کے والد رادھاکنت باجپائی انتقال کرگئے

بھارتی میڈیا کے مطابق اداکار کے والد چند ہفتوں سے کافی بیمار تھے جبکہ منوج باجپائی ان دنوں بھارتی ریاست کیرالہ میں فلم کی عکسبندی میں مصروف تھے جو والد کے انتقال کی خبر سن کر فوراً نئی دہلی آگئے۔

خیال رہے کہ رادھاکنت باجپائی کی عمر 83 برس تھی تاہم یہ معلوم نہیں ہو سکا کہ وہ کونسی بیماری میں مبتلا تھے۔

یاد رہے کہ اداکار کے والد کو گزشتہ ماہ طبیعت خراب ہونے کے سبب نئی دہلی کے ایک نجی ہسپتال میں داخل کروایا گیا تھا۔ 

طبیعت خراب ہونے کا سن کر منوج باجپائی کیرالہ سے نئی دہلی پہنچے تھے تاہم والد کے بہتر ہونے کے بعد اداکار شوٹنگ کیلئے دوبارہ کیرالہ چلے گئے تھے۔