وزیراعظم عمران خان کی کوئی آف شور کمپنی نہیں ہے:شہباز گل

تفصیلات کے مطابق وزیراعظم کے معاون خصوصی کا کہنا ہے کہ زمان پارک میں 2مکان  ایسے ہیں جن کا نمبر2ہے، دوسرے مکان میں رہنے والے کا وزیراعظم سے کوئی تعلق نہیں ہے۔

شہباز گل کا کہنا تھا کہ مجھ سے پوچھا گیاوزیراعظم نے بیرون ملک کوئی کمپنی رجسٹرڈ کرائی،جن صاحب کے نام یہ کمپنیاں ہیں وزیراعظم ان کو نہیں جانتے۔

ان کا کہنا تھا کہ ملک میں ایک ہی خاندان ہے جو  باہر کمپنیاں بناتے ہیں، جو کہتے ہیں میری لندن میں کیا پاکستان میں بھی کوئی کمپنی نہیں۔

وزیراعظم کے معاون خصوصی شہباز گل کا کہنا تھا کہ ایک چینل سے جھوٹی خبر چلائی گئی کہ نواز شریف  کو بری کر دیا گیا ہے۔

انہوں نے کہا ہے کہ ن لیگ کے  دور میں سستے پٹرول کا فائدہ عوام تک نہیں پہنچا، سمجھ نہیں آتی لوگ منصوبوں پر اپنے نام کی تختیاں کیوں لگاتے ہیں؟

ان کا مزید کہنا تھا کہ رکی ہوئی معیشت کو چلانے کی کوشش کریں تو زیادہ وقت لگتا ہے، پہلے 2سال میں ہم نے اخراجات کم کیے،حکومت سنبھالی تو گزشتہ حکومتوں کے لیے گئے قرض واپس کرنے کا چیلنج تھا۔