عمران نیازی نے عوام کے منہ سے روٹی چھینی ہے: حمزہ شہباز

تفصیلات کے مطابق اپوزیشن لیڈر پنجاب اسمبلی حمزہ شہباز کا کہنا ہے کہ دن رات اس کو خوابوں میں نواز اور شہباز شریف ستاتا ہے، کہتا ہے کہ شریف خاندان کیخلاف کوئی کرپشن لیکر آؤ،تین سال بدترین انتقام کے بعد 32 پیسے کی کرپشن ثابت نہیں کر سکے۔

ان کا کہنا تھا کہ فارن فنڈنگ کیس کھلے گا تو عمران خان کے کارنامے سامنے آئیں گے، بی آر ٹی اسکینڈل میں اربوں کا غبن ہے،کیا ریاست مدینہ میں ایسے کام ہوتےہیں؟

انہوں نے کہا ہے کہ ن لیگ بجلی 7 روپے فی یونٹ تھی، آج 23 روپے فی یونٹ ہو گئی، کھاد 2300 کی تھی آج 7 ہزار کی بوری ہے،آج کسان کے پیٹ پر بھی لات ماری گئی ہے، آج پٹرول 127روپے فی لیٹر ہوگیاہے، آٹا آج 70 روپے کلو ہے، چینی 52 کلو تھی آج 110 روپے کلو ہے، کسان، مزدور، نوکری پیشہ سب پریشان ہیں۔ 

حمزہ شہباز کا کہنا تھا کہ انھوں نے پچھلے تین سالوں میں ایک اینٹ نہیں لگائی، عمران خان نے 100دن میں جنوبی پنجاب صوبہ بنانے کا وعدہ کیا تھا، ہر روز ملک13ارب  کا مقروض ہورہا ہے۔ 

ان کا کہنا تھا کہ نوا زشریف نے ملک سے لوڈشیڈنگ کا خاتمہ کیا، مسلم لیگ ن کےد ورمیں بجلی کے کارخانے لگائے گئے، آج ملک میں اندھیرے کے بجائے اجالے ہیں۔ 

ان کا مزید کہنا تھا کہ چوتھا سال ہے نیا پاکستان  تو نہیں بن سکا  پرانا پاکستان ہی لوٹا دو،آج قوم ن لیگ کی راہ تک رہی ہے،لوگوں کے بچے رات کو بھوکے سوتے ہیں،85 لاکھ لوگوں کا روزگارچھین لیا گیا ہے۔