کورونا مزید 58زندگیاں نگل گیا، 1873 نئے مثبت کیسز رپورٹ

نیشنل کمانڈ اینڈ کنٹرول سینٹر ( این سی او سی ) کی جانب سے تازہ اعدادو شمار کے مطابق ملک میں گزشتہ 24 گھنٹے  کے دوران ایک ہزار 873 افراد کورونا سے متاثر ہوئے ہیں تاہم اب تک ملک میں کورونا  سے متاثرہ افراد کی مجموعی تعداد 5 لاکھ 35 ہزار 914 ہو گئی ہے، جبکہ ملک میں کورونا سے 4 لاکھ 90 ہزار 126 افراد صحتیاب ہو چکے ہیں اور زیر علاج مریضوں کی تعداد 34 ہزار 412 ہے۔

اعدادو شمار کے مطابق اسلام آباد میں کورونا کیسزکی تعداد 40 ہزار 892، خیبرپختونخوا میں 65 ہزار 740، سندھ میں 2 لاکھ 42 ہزار 54، پنجاب میں ایک لاکھ 54 ہزار 717، بلوچستان میں 18 ہزار 754، آزاد کشمیرمیں 8 ہزار 855 اور گلگت بلتستان میں 4 ہزار 902 افراد کورونا سے متاثر ہوچکے ہیں۔

کورونا کے سبب سب سے زیادہ اموات پنجاب میں ہوئی ہیں جہاں 4 ہزار 608 افراد جان کی بازی ہار چکے ہیں جبکہ سندھ میں 3 ہزار 900، خیبر پختونخوا میں ایک ہزار 848، اسلام آباد میں 468، گلگت بلتستان میں 102، بلوچستان میں 193 اور آزاد کشمیر میں  257 افراد جان کی بازی ہار چکے ہیں۔تاہم اس وقت ملک بھر میں 2 ہزار 228 مریضوں کی حالت تشویشناک ہے۔

این سی او سی کے مطابق ملک بھر میں مثبت کیسز کی شرح دوبارہ 4.40 ہو گئی، سب سے زیادہ حیدر آباد میں 25.76 ، دوسرے نمبر پر میرپور 18.75 ، تیسرے نمبر پر کراچی 11.62 فیصد ہو گئی،

آزاد کشمیر میں مثبت کیسز 12.05 ، بلوچستان 1.38 ، گلگت بلتستان میں شرح صفر  ہو گئی۔ اسلام آباد میں مثبت کیسز 1.33 ، کے پی کے 3.42 ، پنجاب میں 3.86 اور سندھ میں 7.29 فیصد ہو گئی۔