جی ایچ کیو میں فوجی جوانوں کو اعزازت تقسیم کرنے کی تقریب، آئی ایس پی آر

پاک فوج کے شعبہ تعلقات عامہ (آئی ایس پی آر ) کی جانب سے جاری کردہ بیان میں کہا گیا ہے کہ  جی ایچ کیو میں فوجی جوانوں کو اعزازت تقسیم کرنے کی تقریب  ہوئی، آرمی چیف جنرل قمر جاوید باجوہ  نے جوانوں اور افسران میں اعزازت تقسیم کئے ، بڑی تعداد میں فوجی افسران اور ان کے اہلخانہ بھی تقریب میں شریک ہیں ۔

آرمی چیف جنرل قمر جاوید باجوہ نے کہا کہ  مادر وطن کیلئے جان کی قربانی سے بڑی اور کوئی قربانی نہیں ہوسکتی، ہمارے شہدا کی قربانیاں رائیگاں نہیں جائیں گی،  ہمارے افسران اور جوان اصل ہیرو ہیں ،  جوانوں اور افسران کی قربانیوں سے ملک میں امن واستحکام آیا،شہدا کے اہلخانہ کے عزم و ہمت کو سلام پیش کرتے ہیں ۔

ترجمان پاک فوج کے مطابق  آرمی چیف نے 47 افسران کو ستارہ امتیاز ملٹری سے نوازا، 6 افسران،7جونیئر افسران اور 12جوانوں کو تمغہ بسالت سے نوازا گیا،  شہدا کے اعزازات ان کے اہلخانہ نے وصول کئے ۔