نیشنل ٹی ٹوئنٹی کپ کا پہلا مرحلہ مکمل

راولپنڈی اسٹیڈیم میں شروع ہونے والے نیشنل ٹی ٹوئنٹی کرکٹ میلے کاپہلامرحلہ مکمل ہوگیا ہے تمام چھ ٹیموں نے پہلے مرحلے کے چھ چھ میچزکھیل لیے۔

پوائنٹس ٹیبل پر سندھ ٹیم 8پوائنٹس کے ساتھ ٹاپ پر ہے، خیبر پختونخوا کا دوسرا نمبر ہے، جبکہ سنٹرل پنجاب کے بھی آٹھ ہی پوائنٹس ہیں لیکن اوسط کے اعتبار سے سنٹرل پنجاب تیسری پوزیشن پر ہے۔

انفرادی پرفارمنس میں قومی کپتان بابر اعظم 286 رنز کے ساتھ نمبر ون، بولنگ میں شاہین آفریدی 12 شکار کر کے ٹاپ پر ہیں۔

وکٹ کیپنگ کارکردگی میں سرفراز سرفہرست، وکٹوں کے پیچھے انہوں نے 5کیچز پکڑے جبکہ تین اسٹمپ بھی کیے ہیں۔