حکومت معیار اور میرٹ کا نظام لا رہی ہے: شہباز گل

تفصیلات کے مطابق شہباز گل کا کہنا ہے کہ احتجاج میڈیکل اسٹوڈنٹس کا حق ہے لیکن بلڈنگز کے اندر زبردستی داخل ہونا ،عوام کا راستہ روکنا اور مار پیٹ کرنا ایسی چیزیں قانون کی خلاف ورزی ہے۔

ان کا کہنا تھا کہ جب تک آپ قانون کے مطابق احتجاج کریں گے آپکو قانون کے مطابق احترام اور سیکورٹی ملے گی ، کسی زمانے میں پاکستانی ڈاکٹرز کی مانگ پوری دنیا میں تھی اور اب پچھلے کئی سالوں سے مڈل ایسٹ سمیت دنیا میں پاکستانی ڈگری کو نہیں مانا جاتا۔

یہ راتوں رات نہیں ہوا،کئی سالوں کی بد انتظامی، کرپشن اورمیرٹ کی خلاف ورزی نے اس غیر معیاری تعلیمی نظام کو جنم دیا،عالمی معیار کو یقینی بنانے کے لیے میڈیکل طلبا کے لیے ٹیسٹ کا نیا نظام ایم ڈی کیٹ پاکستان میں متعارف کروایا گیا ہے،یہ نظام امریکہ برطانیہ ہندوستان اور دنیا کے بہت سے ممالک میں کامیابی سے رائج ہے۔

ان کا مزید کہنا تھا کہ جب قانون ہاتھ میں لیں گے تو قانون کے مطابق کارروائی ہوگی۔