عمران خان کہتا ہے سزائیں میں دیتا ہوں چئیرمین نیب کہتا ہے میں سزائیں دیتا ہوں:شاہد خاقان عباسی

تفصیلات کے مطابق سابق وزیراعظم کا کہنا تھا کہ قانون کہتا ہے مشاورت کریں لیکن وزیراعظم انکار کررہے ہیں، صدر بھی آرڈیننس پر دستخط کےلیے تیار بیٹھے ہیں۔

ان کا کہنا تھا کہ پنڈورا پیپرز پر وزیراعظم کا تحقیقاتی سیل مسترد کرتے ہیں انہوں نے کہا کہ وزیراعظم کے پاس تحقیقات کرنےکا کوئی حق نہیں، ادارے تحقیقات کریں۔

شاہد خاقان کا کہنا تھا کہ پنڈورا پیپرز میں جن کے نام آئے ہیں ان کے ساتھ وہی سلوک کیا جائے جو نواز شریف کے ساتھ کیا گیا، نوازشریف وزیراعظم ہوکر جے آئی ٹی میں پیش ہوسکتےہیں تو وزیر کیوں نہیں، ان 700  لوگوں کو جیل میں ڈالیں اور تفتیش کریں۔

ان کا کہنا تھا کہ 7 سو پاکستانیوں کے نام آف شور کمپنیوں میں آئے،ہمیں غرض نہیں وہ کون ہیں انصاف کا تقاضا ہے جب تک ثبوت نہ آئے وہ بےگناہ ہیں۔

انہوں نے کہا ہے کہ یہ بات ملک کے وزیراعظم اور وزراء کو پتہ ہے نہ ہی یہ بات نیب چئیرمین اور نیب کو معلوم ہے یہ جیل میں پہلے ڈالتے ہیں پھر کیسز بنتے ہیں،نیب نے صرف نوازشریف کو سزا دی وہ بھی ایک جج کو بلیک میل کر کے سزا دی گئی،7 سو لوگوں کے خلاف انکوائری ہونی چاہئے،پاناما کیس میں نواز شریف کا نام بھی نہیں تھا انکو سزا دی گئی۔

ان کا مزید کہنا تھا کہ براڈ شیٹ کیس میں کوئی جیل نہیں گیا یہاں کمیشن بنتے ہیں لیکن کسی کو سزا نہیں ملی۔