غریب ملکوں سے امیر ملکوں میں رقوم کی غیر قانونی منتقلی اہم مسئلہ ہے،وزیراعظم

وزیراعظم عمران خان  نے ورلڈلیڈرز سمٹ سے ورچوئل خطاب کرتے ہوئے کہا کہ انتہائی  اہم ڈائیلاگ میں شرکت پر خوشی ہے،  میں نے ترقی پذیر ملکوں کیلئے قرضوں میں سہولت کیلئے مہم چلائی،  کورونا لاک ڈاؤن کی وجہ سے ترقی پذیر ممالک   متاثر ہوئے،  ویکسین کی مساوی تقسیم یقینی بنانے کیلئےاقدامات کی ضرور ت ہے،  ویکسین کے حوالے سے اس عدم مساوات کو ختم کرنا ہوگا۔

وزیراعظم عمران خان نے کہا کہ  انسانی ترقی پر خرچ ہونےوالی رقم لوٹ مار کی نظر ہوجاتی ہے،  رقوم کی غیر قانونی منتقلی سےکرنسی کی قدر گر جاتی ہے، غربت میں اضافہ ہوتا  ہے،  اس کور وکنے کا واحد طریقہ فیکٹ آئی کی پیش کردہ  سفارشات پر عملدرآمد میں ہے، اس لوٹ مار کی وجہ  ترقی پذیر  ملکوں کی بدعنوان اشرافیہ ہے ،  غریب ملکوں سے امیر ملکوں میں رقوم کی غیر قانونی منتقلی اہم مسئلہ ہے۔ ترقی پذیر ملکوں کیلئے قرضوں میں سہولت کورونا وبا کے خاتمے تک جاری رہنی چاہیے۔