عمر شریف   کے  جسد خاکی کو جائے نماز پر لیجانے  کیلئے ٹریفک پلان مرتب

تفصیلات کے مطابق  ٹریفک پولیس کے دو سو سے زائد اہلکار تعینات رہیں گے،  ائیرپورٹ سے عمر شریف پارک تک ٹریفک اہلکار.موجود رہیں گے، ائیرپورٹ سے جسد خاکی کے آگے ٹریفک پولیس ساتھ رہےگی،  شارع فیصل سے ہوتے ہوئے جست خاکی کو عمر شریف پارک لایا جائے گا ۔

عمر شریف پارک کے اطراف غلط پارکنگ سے روکنے کے لئے ٹریفک اہلکار موجود ہونگے۔

قبل ازیں  جرمنی میں پاکستان کے سفیر ڈاکٹر فیصل  نے کہا تھا کہ ترکش ایئر کی پرواز میں اداکار عمر شریف کی بیوہ زرین غزل بھی میت کے ساتھ پاکستان آرہی ہیں۔

ایوی ایشن ذرائع کے مطابق ترکش ایئرویز کی شیڈول کی پرواز ٹی کے 1634 جرمنی کے مقامی وقت کے مطابق سہ پہر 3 بجکر 16 منٹ پر میونخ ایئرپورٹ سے روانہ ہوگئی۔

ایوی ایشن ذرائع کے مطابق شیڈول فلائٹ مقامی وقت کے مطابق شام 6:50 بجے استنبول پہنچے گی۔

ایوی ایشن ذرائع کے مطابق ترکش ایئر کی پرواز پی کے 708 استنبول سے آج رات 10:30 بجے کراچی کیلئے روانہ ہوگی، اداکار عمر شریف کی میت کل صبح 06:45 بجے کراچی پہنچے گی۔