چین کے ساتھ موجودہ کشیدگی چالیس کی بدترین سطح پر پہنچ گئی ہے ، تائیوان

تائیوان کا کہنا ہے کہ چین کے ساتھ موجودہ کشیدگی چالیس کی بدترین سطح پر پہنچ گئی ہے ۔ 

خبرایجنسی کے مطابق تائیوان کے وزیردفاع نے بڑی تعداد میں چینی طیاروں کی جانب سے فضائی حدود کی خلاف ورزی کے بعد بیان دیا ہے ۔ 

انہوں نے کہا کہ چین کےس اتھ موجودہ فوجی تناؤ 40 سال کی بدترین سطح پر ہیں ۔ 

تائیوان کے وزیردفاع نے پارلیمنٹ میں ارکان کے سوالوں کا جواب دیتے ہوئے کہا کہ وہ 40 سال قبل فوج میں شامل ہوئے تھے ۔ اس وقت کے بعد سے اب تک چین کے ساتھ موجودہ کشیدگی کی صورتحال انتہائی سنگین ہے اور بطور فوجی میرے لیے اس وقت ہنگامی حالات سامنے ہیں ۔ 

چین اور تائیوان کے درمیان کشیدگی میں اضافہ اس وقت ہوا جب چینی فوجی طیارے تائیوان کے جزیرے کے ائیر ڈیفنس زون میں داخل ہوئے ،ا س جزیرے پر تائیوان اپنی حاکمیت کا دعویٰ کرتا ہے ۔ 

گزشتہ دنوں تائیوان نے دعویٰ کیا تھا کہ چین کے 150 جنگی طیارے اس کے ائیر ڈیفنس زون میں داخل ہوئے ۔