انگلش کرکٹ بورڈ مشکل میں پھنس گیا

لندن : انگلینڈ کرکٹ ٹیم کے دورہ پاکستان کی منسوخی کے بعد انگلش بورڈ شدید تنقید کی زد میں ہے ۔ 

برطانوی صحافی لارنس بوتھ نے بھی انگلینڈ کرکٹ بورڈ ( آئی سی بی ) کے فیصلے کو غلط قرار دیا اور کہا انگلینڈ کا دورہ پاکستان منسوخ کرنے کا فیصلہ اچھا نہیں تھا ۔ 

انہوں نے کہا کہ کورونا کے مشکل وقت میں پاکستان نےبرطانیہ کی مدد کی ۔ 

لارنس بوتھ کا کہنا تھا کہ انگلینڈ کو پاکستان کے ساتھ کھڑا ہونا چاہیے تھا۔ انگلینڈ کو 2022 میں پاکستان کا دورہ ضرور کرنا چاہیے ، پاکستان ماضی میں برطانیہ کا دورہ نہ کرتا تو انگلینڈ کو بھارتی نقصان ہوتا۔ 

صحافی نے کہا کہ ای سی بی کو پی سی بی سے تعلقات بحالی کی کوشش کرنی چاہیے ۔ 

خیال رہے کہ گزشتہ مہینے سیکیورٹی خدشات کا بہانہ بنا کر پہلے نیوزی لینڈ نے اپنی ٹیم کو پاکستان سے واپس بلا لیا تھا بعد ازاں صورتحال کو دیکھتے ہوئے انگلینڈ کرکٹ ٹیم نے بھی دورہ منسوخ کردیا ۔