بلوچستان کابینہ سے تین وزراء دو مشیروں کا مستعفی ہونے فیصلہ

تفصیلات کے مطابق  وزیراعلی بلوچستان جام کمال  سے اختلافات پر  ناراض ارکان نے  بڑا فیصلہ کرلیا،  بلوچستان کابینہ سے تین وزراء دو مشیروں کا مستعفی ہونے فیصلہ ،  وزاراء اور مشیروں نے اپنے استعفی ظہور بلیدی کو لکھ کر دے دئیے  ۔وزراء اور مشیروں کے علاوہ 4 پارلیمانی سیکرٹریزاستعفی جمع کرانے والوں میں شامل ہیں ۔

مزید پڑھیں : لیفٹیننٹ جنرل ندیم احمد انجم ڈی جی آئی ایس آئی تعینات

وزیر خزانہ ظہور بلیدی، سردار عبد الرحمان کھیتران اور اسد بلوچ استعفی جمع کرانے  والوں شامل ہیں جبکہ مشیروں میں اکبر آسکانی،محمد خان لہڑی شامل  ہیں ۔ 4پارلیمانی سیکرٹریز بشری رند ،رشیدبلوچ،سکندر عمرانی، ماہ جبین   شامل ہیں ۔اس سے قبل کابینہ سے سردار صالح بھوتانی پہلے ہی مستعفی ہوچکے ہیں۔

واضح رہے کہ 14 ستمبر کو وزیراعلیٰ بلوچستان کے خلاف تحریک عدم اعتمادجمع کرادی گئی تھی،وزیراعلیٰ بلوچستان کے خلاف خلاف16ارکان اسمبلی کی جانب سے تحریک عدم اعتماد سیکرٹری اسمبلی کو جمع کرائی گئی  تھی۔