نیشنل ٹی 20 کپ میں سینٹرل پنجاب نے سندھ کو شکست دے دی

تفصیلات کے مطابق سندھ نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 128 رنز بنائے اور سینٹرل پنجاب کو جیت کے لیے 129 رنز کا ہدف دیا۔

سینٹرل پنجاب نے مطلوبہ ہدف 15.4 اوورز میں 2 وکٹوں کے نقصان پر ہی پورا کر لیا،طلعت حسین نے 68 اور شعیب ملک نے 40 رنز کی ناقابل شکست اننگز کھیلتے ہوئے سندھ کو 8 وکٹوں سے شکست دے دی۔

کامران اکمل صرف ایک رن بنا کر ہی پویلین لوٹ گئے جبکہ اوپنر احمد شہزاد 20 رنز بنا کر رن آؤٹ ہو گئے ،سندھ کے میر حمزہ نے ایک وکٹ حاصل کی۔

پہلے بیٹنگ کرتے ہوئے سندھ نے مقررہ اوورز میں 7 وکٹوں کے نقصان پر 128 رنز بنائے تھے جبکہ کپتان سرفراز احمد کی 54 رنز کی اننگز بھی سندھ کو شکست سے نہ بچا سکی۔

خرم منظور 2 اور شرجیل خان بغیر کوئی رن بنائے پویلین لوٹ گئے ،احسن علی نے 23 اورسعود شکیل نے 5 رنز بنائے، دانش عزیز 20 اور انور علی بھی 20 رنز بنا کر رن آؤٹ ہوگئے۔

فہیم اشرف اور حسن علی نے 2، 2 وکٹیں حاصل کیں جبکہ عثمان قادر اور وہاب ریاض ایک، ایک وکٹ حاصل کر سکے۔