تیونس میں فوجی ہیلی کاپٹر گر کر تباہ، 3فوجی ہلاک

غیر ملکی خبر رساں ادارے کے مطا بق فوجی ہیلی کاپٹر جنوب مشرقی تیونس کے شہر گیبس میں گر کر تباہ ہو گیا ہے،ہیلی کاپٹر معمول کی فوجی مشق  کے دوران  خرابی پیدا ہونے کے باعث ہچکولے کھاتے ہوئے زمین بوس ہوگیا۔

ترجمان وزارت دفاع محمد زکری  کے مطابق  یہ واقعہ رات کو ایک فوجی مشق کے دوران پیش آیا۔ ترجمان نے کہا کہ حادثے کی وجوہات کا تعین کرنے کے لیے ایک ملٹری ٹیکنیکل ٹیم جائے وقوعہ پر بھیجی گئی ہے۔تیونس کے وزارت دفاع کے ترجمان محمد زکری کی جانب سے جاری بیان میں تینوں اہلکاروں کی ہلاکت کی تصدیق کی گئی ہے تاہم حادثے کی وجہ، مقام اور ہیلی کاپٹر میں پیدا ہونے والی خرابی سے متعلق کچھ نہیں بتایا گیا۔