پنجاب یونیورسٹی کے طلباو طالبات کے لیے بڑی خوشخبری

لاہور : پنجاب یونیورسٹی نے طلباو طالبات کو روزگار کی فراہمی کے لیے جاب پورٹل کا آغاز کردیا ہے  ۔

انڈسٹری کو بہترین گریجوایٹس کی فراہمی کے لیے کیرئیر پورٹل قائم کیا گیا ہے ۔ طلبا کو نوکریوں کے بارے میں معلومات مل سکیں گی ۔ 

تفصیلات کے مطابق پنجاب یونیورسٹی انتظامیہ نے طلباو طالبات کو روزگار فراہم کرنے کے لیے جاب پورٹل کا آغاز کردیا ہے ۔ پنجاب یونیورسٹی اور نجی ویب سائٹ کے درمیان مفاہمتی یاداشت پردستخط کی تقریب وائس چانسلر پنجاب یونیورسٹی آفس کے کمیٹی روم میں ہوئی۔

تقریب میں وائس چانسلر پروفیسر نیاز احمداختر، رجسٹرا ر ڈاکٹر محمد خالد خان، ڈائریکٹر ریجنل انٹیگریشن سنٹرپنجاب یونیورسٹی ڈاکٹر فوزیہ ہادی علی، کنٹری ہیڈ شہباز خان، ڈائریکٹر ٹریننگ تہمینہ اور مختلف فیکلٹیوں کے ڈینز نے شرکت کی۔

تقریب سے خطاب کرتے ہوئے وائس چانسلرپروفیسر نیازاحمد نے کہا کہ انڈسٹری کو بہترین گریجوایٹس کی فراہمی کے لئے کیرئیر پورٹل قائم کیا گیا ہے جس سے طلباء و طالبات کو نئی آنے والی نوکریوں کے بارے میں معلومات مل سکیں گی۔