لاہور کے تمام پارکس میں طلبا و طالبات کے داخلے پر پابندی عائد

جی  این این کے مطابق صوبائی دارالحکومت  لاہور  میں  دوپہر دو بجے تک طلباء طالبات  پارکس میں داخل نہیں ہوسکیں گے ۔ اس اقدام کا  بنیادی مقصد طلباء طالبات کی تعلیمی اداروں میں حاضری یقینی بنانا ہے۔  پی ایچ اے انتظامیہ نے تمام پارکس کے پراجیکٹ ڈائریکٹر کو احکامات جاری کر دئیے ۔ 

خیال رہے کہ اس  سے قبل  بھی پنجاب حکومت کی جانب سے تمام پارکس میں ٹک ٹاکرز ، مردوں کے بنا فیملی کے پارکس میں داخلے  سمیت اسکولوں اور کالجوں کے یونیفارم والے طلباء کو بھی پارکوں میں داخل ہونے پر پابندی عائد کی گئی تھی ۔